السلامو عليكوم
 
صباحكم ورد ,, ومساكم أغنية
 
اليوم جايب لكم وحدة من قصايدي القديمة
 
وحبيت إنكم تقرونها
 
وهذي القصيدة بين يديكم :
 
قاللي الدكتور قلي وش تبي نوعه دواك
وش تبي نوع الدوا قلي وأبشر به يجيك
 
قلت يادكتور حبك حط قلبي في الشراك
بوستك هي الدوا يالله تراني أحتريك
 
وأكتب بوصفة علاجي واجب أتنفس هواك
وضمتن قبل المنام ومني الضمة تجيك
 
والمغذي باخذه من ريقك اللي في شفاك
والمسكن يكفي إن عيوني تطالع عنيك
 
وزد على ماقد ذكرته كلمه منك ياملاك
قل أحبك وإترك الباقي توكل ماعليك
 
هو علاجي ياطبيبي إني بس أبقى معاك
هو علاجي لما يديني تحضنها يديك
 
إنت آمر سم وأبشر سير أنا أمشي وراك
هذي روحي مع عيوني وكل عمري تفتديك
 
ساكن بقلبي لحالك محدن يساوي غلاك
بايعن كل الخلايق بس وربي مشتريك
 
ماأبي غيرك ولا فكرت في شخصن سواك
حتى ظلي من غلاتك صوت لشخصك يبيك
 
صدق إن العيش بعدك يابعد روحي هلاك
وإن بقيت اليوم عندي للفرح صدقت شيك
 
ودي أسكن في فؤادك ودي آصل منتهاك
حقق أحلامي طلبتك واللي يرحم والديك
 
ماأبي أسكن قلوب الناس لاهذا وذاك
بس أبي أسكن بقلبك ودي أسكن يوم فيك
 
حقق اللي في خيالي وكل ماتطلبه جاك
قلبي حبك لا بعد والله هو ميت عليك
 
ياشبيهن للغزاله في عداويك وخطاك
ودي أبدأ في حياتك وأنتصفبك وأنتهيك
 
القمر جاء في سمانا حاول يوصل حلاك
ماقدر إلا بنصف الشهر بدره ينتخيك
 
يوم واحد إكتمل نوره وحاول الإحتكاك
بس سلهمت بعيونك جاك نوره يحتويك
 
وجت نجوم الليل خلفك معها بدرن ماقواك
وصرتي أنتي سندرلا بالحسن مالك شريك
 
حتى لو تخطين والله صح في قلبي خطاك
آنا منك وإنتي مني يعني هي منك وإليك
 
ياعساني ماأنحرم لو يوم من صادق وفاك
وياعساني طول عمري أهتني بك وأهتنيك
 
وياعسى جاسر وروحه وكل أيامه فداك
وياعسى غيم الهوى اللي في سمانا تعتليك
 
وخذ وعد قلبك مناتي مثل ماقلبي مناك
وخذ وعد مني تراك اليوم في قلبي مليك
 
 
وسلامتكم
 
اتمنى إنها تعجبكم وتحوز على رضاكم
 
جاسر الهاجري